Msanii wa bongo fleva ambaye pia ni mchezaji wa Coastal Union jana Desemba 9, 2018 amecheza mchezo wake wa kwanza kwenye Ligi Kuu Tanzania Bara tangu asajiliwe na timu hiyo msimu huu wa 2018/19. Kiba ametumia takribani dakika 64 akiwa sehemu ya mashambulizi kadhaa yaliyofanywa na Coastal Union likiwemo lile lililosababisha kona iliyozaa goli kabla ya kufanyiwa mabadiliko na nafasi yake kuchukuliwa na Deo Anthony. Mara baada ya mchezo huo, Kiba amezungumza na kuweka wazi hamu yake ya kufunga goli kwenye ligi kuu, akisema alitamani kwenye mchezo huu apate goli. Pia amezungumzia sababu za yeye kuingia uwanjani na gari binafsi akidai kuwa hakuwa akiishi kambini na timu hivyo alitokea nyumbani. Mchezo huo umemalizika kwa sare ya bao 1-1.
Fahamu yote yaliyojiri katika magazeti ya Michezo Tanzania leo Desemba 10 , 2018, Hapa unapata kurasa za mbele za magazeti zikionyesha habari kubwa zote za michezo.
Mwenyekiti wa Kamati ya Uchaguzi ya Shirikisho la Soka Tanzania (TFF), Ally Mchungahela, amewataja viongozi wawili Yanga ambao wanapinga klabu hiyo kufanya uchaguzi. Mchungahela ambaye amekuwa akiwasiliana na Yanga mara kwa mara kupitia TFF, amewataja watu wawili pekee kusapoti suala hilo na wakiweka nguvu ili uchaguzi ufanyie. Mwenyekiti huyo amewataja Thobias Lingalangala kuwa ni mmoja ya watu pekee ambao wanahitaji kuona Yanga inafanya uchaguzi wake Januari 13 mwakani il kujaza nafasi zilizoachwa wazi. Aidha, Mchungahela amesema wengine wote waliosalia wamekuwa wakipinga jambo ambalo linansababisha kuwe na mvutano wa hapa na pale. Yanga imeamuriwa na Baraza la Michezo Tanzania (BMT) kuhakikisha inafanya uchaguzi wake baada ya nafasi nyingi za uongozi ndani ya klabu kutokuwa na watu.
Kocha wa Manchester United, Jose Mourinho amesema hana hofu kuhusu hatma yake ndani ya Old Trafford. Mourinho anaamini kuwa maafisa wa klabu yake wamewasiliana na aliyekuwa kocha zamani wa Real Madrid Zinedine Zidane. Kocha huyo mwenye ambaye hapewi nafasi ya kuendelea kuinoa United kutokana na matokeo ya hivi karibuni kuwa mabaya, ameeleza maafisa hao wameanza mawasiliani ili waje wachukue nafasi yake. Vyombo mbalimbali vya habari ulaya vimekuwa vikiripoti kuondoka kwa Mourinho siku za usoni jambo ambalo linapigiwa upatu na mashabiki wa timu hiyo. Hata licha ya tetesi kuzidi kushika kasi, bado Kocha huyo ameendelea kuonesha imani ya kutokuwa na hofu yoyote ile haswa baada ya mechi iliyopita dhidi ya West ham kuchapwa mabao 3-1.
Meneja wa Manchester United Jose Mourinho ana hofu kuhusu hatma yake huko Old Trafford na anaamini kuwa maafisa wa klabu wamewasiliana na meneja wa zamani wa Real Madrid Zinedine Zidane. (Sun) Lakini mchezaji huyo wa zamani kimataifa wa Ufaransa analenga kuwa meneja mpya wa Juventus. (Tuttosport, via Daily Express) Sintofahamu kuhusu hatma ya Mourinho huko United inamaanisha kuwa wachezaji 12 hawana uhakika kuhusu hatma yao wakati wanaingia mwaka wa mwesho wa mikataba yao. (Daily Mirror)
Mourinho amekosa uvumilivu kwa mshambuliaji raia wa Chile Alexis Sanchez, 29. (London Evening Standard) Mlinzi wa Manchester United raia wa England Luke Shaw, 23, anasema kikosi kilicheza vibaya wakati kilishindwa na West Ham siku ya Jumamosi. (Daily Telegraph)
Manchester City watangoja kabla ya kumpa ofa mpya kiungo wa kati mwenye miaka 18 Phil Foden ya mkataba mpya wa miaka mitano wa pauni 250,000 kwa wiki. (Daily Star) Meneja wa City Pep Guardiola amemuonya wing'a mjerumani Leroy Sane, 22, akitaka asipoteze mwelekeo. (Sun)
Maajenti wa Manchester City, Liverpool na Tottenham walimtazama kiungo wa kati wa Lazio raia wa Serbia Sergej Milinkovic-Savic, 23, wakati wa ushindi wa mabao 4-1 dhidi ya Genoa. (Daily Mirror) AC Milan, Manchester United na Paris Saint-Germain walijaribu kumsaini Cristiano Ronaldo msimu huu kabla ya mreno huyo mwenye miaka 33 kujiunga na Juventus kutoka Real Madrid. (El Mundo, via Marca) '
Mmiliki wa Newcastle Mike Ashley atapeleka kikosi kizima na menaja Rafa Benitez kwa mlo katika jitihada za kujenga uhusiano. (Daily Mail) Kutoka BBC
Baada ya kumalizika mtanange wa Ligi Kuu Tanzania Bara (TPL) kati ya Simba Vs Yanga, uliopigwa Septemba 30, 2018, wakiongozwa na mtangazaji wa Azam TV, Patrick Nyembela, wachambuzi Ally Mayay na Dominick Salamba, waelezea udhaifu na ufanisi uliooneshwa na timu zote mbili.
Mwanamke mmoja, Kathryn Mayorga, amejitokeza na kusema mwanasoka, raia wa Ureno, Cristiano Ronaldo alimbaka mwaka 2009 katika hoteli moja jijini Las Vegas, Marekani. Baada ya tukio hilo mwanamke huyo akiri kupewa Dola za Marekani, $375,000 kama malipo ya kutakiwa kukaa kimya na kutozungumzia suala hilo. Hata hivyo, Ronaldo, kupitia video ya moja kwa moja katika mtandao wa Instagram, alikana tuhuma madai hayo akisema ni ya uongo na yametengenezwa na watu wanaotafuta umaarufu. Katika hati ya madai iliyofunguliwa Ijumaa iliyopita katika Wilaya ya Clark, inadaiwa Ronald aliomba msamaha “akisema alikuwa amesikitishwa na kitendo hicho na kwamba yeye alikuwa mstarabu.” Vilevile inadai kwamba mwanasoka huyo alikiri mbele ya mawakili wake kwamba ni kweli mwanamke huyo alikuwa akisema hataki na alikuwa anamwambia aache mara moja ukatili huo. Hati ya mashitaka inasema Mayorga alikutana na Ronaldo katika hoteli iitwayo Palms Hotel and Casino, Juni 13, 2009, ambapo Ronaldo alimkaribisha mwanamke huyo na marafiki zake wa kike kwenye sehemu aliyofikia na mwanasoka huyo akamwomba aungane na kundi la wenzake katika jacuzzi kwa ajili ya burudani ya kuoga ambapo alimpa bukta na T-shirt. Mwanamke huyo alipokwenda katika chumba cha kubadilishia nguo, Ronald alimwendea na kumwomba wafanye ngono ya mdomo, alipokataa, alimvutia ndani ya chumba chake cha kulala na kumbaka huku akipiga makelele ya “Hapana, hapana, hapana.” Siku hiyohiyo, aliripoti tukio hilo polisi na kwenda kupimwa hospsitali kuhusu tukio hilo.
Na Haji Manara Mpira ni mchezo wa hadharani hauchezewi chumbani, sijaelewa Kocha aliposema walikuja kulinda huku akiruhusu Simba watengeneze nafasi. Kwa kadri nnavyofahamu unapocheza mpira wa kujilinda, hupaswi kuruhusu mpinzani wako kutengeneza nafasi na humpi hyo nafasi. Kocha anajisifu wakati umepigiwa mipira iliyolenga lango na ambayo haijalenga 10 kumi, fikiria zingeingia! Kocha anaekuja na mipango ya kujihami hakupi nafasi ya kulisogea goli, utaishia nje ya 18 hii ni hadaa kubwa. Hivi angewaeleza nini kama zile tageti zingejaa? Kwangu mimi narudia nyota wa mchezo ni Kakolanya na bahati tu si kwa mbinu zile za kuruhusu shots on & off 20.
Mchezo namba 72 wa Ligi Kuu ya Tanzania Bara(TPL) kati ya Simba na Young Africans uliochezwa Jumapili Septemba 30,2018 Uwanja wa Taifa umeingiza jumla ya shilingi milioni 404,549,000. Mchezo huo ulioanza saa 11 jioni umeingiza jumla ya Watazamaji 50,168. Mgawanyo wa mapato hayo ni kwenye upande wa VAT, Selcom, TFF, Uwanja, Simba, TPLB, gharama za mchezo, BMT na DRFA. Kati ya fedha hizo VAT ambayo ni asilimia 18 ni shilingi milioni 61,710,864.41, Selcom milioni 17,901,293.25. Shirikisho la Mpira wa Miguu Tanzania (TFF) milioni 16,246,842.12, Uwanja milioni 48,740,526.35. Wenyeji wa mchezo Simba milioni 194,962,105.41,TPLB milioni 29,244,315.81, gharama ya mchezo 22,745,578.96, BMT milioni 3,249,368.42 na DRFA milioni 9,748,105.27.
Majina ya Blog Zinazoanzia na Herufi A
-
*1 .A Taste of Tanzania*
tasteoftanzania.com/blog
*2. Abood Msumi Network*
aboodmsuni21.blogspot.com
*3. Ahbaabur Rasuul*
ahbaabur.blogspot.co...
