MENEJA WA MAKAMBO AMRUHUSU KUTUA YANGA

KOCHA wa zamani wa Yanga, Mwinyi Zahera, amesema kuwa kama kweli klabu hiyo inataka kumrejesha mshambuliaji wao wa zamani, Heritier Makambo, anayekipiga Horoya ya Guinea kwa sasa, wafanye hivyo haraka ila wawe na uhakika wa kumlipa mshahara mzuri.

Zahera ambaye inaaminika kuwa ndiye Meneja wa mchezaji huyo, amesema kwake yeye haoni tatizo la Makambo kurudi Yanga baada ya klabu hiyo kuonyesha nia ya kufanya hivyo kwa kuwa nyota huyo alikuwa kipenzi cha mashabiki wa Yanga na itakuwa vizuri kama akirejea sehemu ambayo aliishi kama nyumbani.

Uongozi wa Klabu ya Yanga, ulithibitisha kuwa kocha mkuu wa timu hiyo, Luc Eymael, ameagiza kusajiliwa kwa wachezaji wanne wa kigeni, ambao ni mshambuliaji mmoja, winga, kiungo wa kati na beki mmoja, ambapo tayari GSM wameshaanza kufanyia kazi ishu hiyo.

Akizungumza na Championi Ijumaa, Zahera alisema: “Kama kweli Yanga wanataka kumrudisha Makambo, mimi sioni shida yoyote, kwa sababu ni mchezaji ambaye aliishi na kupendwa na mashabiki wa timu hiyo na Dar es Salaam aliishi kama nyumbani, sawa kama wanamtaka, lakini lazima wamlipe mshahara mzuri kama anaolipwa Horoya,” alisema Zahera.

Makambo aliichezea Yanga kwa msimu mmoja, 2018/19 na kufanikiwa kuifungia mabao 17 katika ligi kuu, kisha akatimkia Horoya ambako bado ana mkataba wa miaka miwili.

SOMA ZAIDI

GALLAS: NINAWEZA KUCHEZA NDANI NA NJE YA BONGO

WILLIAM Lucian, ‘Gallas’ beki wa kuliwa wa Polisi Tanzania amesema kuwa ana uwezo wa kucheza popote ndani ya Bongo na nje pia.

Polisi Tanzania ipo nafasi ya sita ikiwa imecheza mechi 29 ina pointi 45 imefunga mabao 29 na safu ya ulinzi imeruhusu mabao 26, kwa sasa Ligi Kuu Bara imesimamishwa ili kupisha maambukizi ya Virusi vya Corona.

Akizungumza na Saleh Jembe, Gallas amesema kuwa hana mashaka na uwezo wake inapofika suala la kucheza jambo linalomfanya kujiamini.

“Nina uwezo wa kucheza ndani ya Bongo na nje ya nchi kwa kuwa mimi ni mchezaji na ninatambua namna ya kulinda kipaji changu, sina tatizo nikiwa ndani ya uwanja kwa kuwa ni muhimu kufanya vizuri.

“Nimecheza timu nyingi kwa kuwa ninaweza kuwa bora katika kazi yangu ambayo ninaifanya, siogopi na ninajiamini muda wote," amesema.

SOMA ZAIDI

WAZAZI TUSIWAACHE WATOTO WACHEZE MPIRA KWA NYAKATI HIZI, WACHEZAJI KAZI BADO IPO

SOMA ZAIDI

BARCELONA WAINGIA ANGA ZA KUIWNDA SAINI YA NYOTA WA UNITED GOMES

GOMES Angel nyota anayekipiga ndani ya Manchester United amewekwa kwenye rada na Barcelona.

Kinda huyo anayekipiga ndani ya United mkataba wake unamalizika mwishoni mwa msimu huu.

Gomes ana miaka 19 anataka kutimka ndani ya kikosi hicho licha ya United kumpa ofa ya pauni 25,000 kwa wiki.

Uwezo wake umewavutia vigogo ndani ya La Liga hivyo kuna uwezekano United wakaikosa huduma yake.

SOMA ZAIDI

YANGA SASA KUFUATA JEMBE JINGINE LA KAZI AS VITA

INAELEZWA kuwa Yanga imeingia kwenye anga za kuiwinda saini ya  Rossein Tuisila Kisinda.

 Winga huyo mwenye umri wa miaka 20 anakipiga ndani ya Klabu ya AS Vita inayoshiriki Ligi Kuu ya DR Congo akiwa na uwezo wa kufunga pia.


Watani zao wa jadi Simba waliingia kwenye anga za kuiwinda saini ya nyota huyo mipango yao iligonga mwamba.

SOMA ZAIDI

UBINGWA WA LIVERPOOL MASHAKANI IWAPO MSIMU WA 2019/20 UTAFUTWA

IWAPO msimu wa 2019/20 wa Ligi Kuu England ukifutwa, Liverpool inabidi isahau kutwaa ubingwa licha ya kwamba inaongoza ikiwa na pointi 82 kibindoni.

Mamlaka za soka barani Ulaya wameeleza kuwa Kuna uwezekano mkubwa wa msimu huu wa 2019/20 kufutwa ikiwa shughuli za soka hazitarejea hadi kufikia Juni mwaka huu.

Aleksandr Ceferin, Rais wa Shirikisho la Soka Ulaya (Uefa) amesema kuwa kuna mambo yanaweza kutokea kutokana na janga la Virusi vya Corona.

Sababu kubwa ya kusimamishwa Ligi ni kupisha na kupunguza maambukizi ya Virusi vya Corona. "Kuna mpango A,B n C ligi zinatarajiwa kurejea katikati ya Mei, ikishindikana hapo inamaanisha kuwa msimu utakuwa umefikia tamati na umepotea.

 "Kuna uwezekano mambo yakiharibika basi kuanza upya msimu ujao tunalifanyia kazi na tutatoa majibu baada ya kulizungumza na wakuu wa Vilabu," amesema Ceferin.

SOMA ZAIDI

MHARIRI WA MAGAZETI YA GLOBAL GROUP AWASHUKURU WALIOMTAKIA MEMA SIKU YA KUMBUKIZI YAKE YA KUZALIWA

SIFAEL Paul, mhariri wa Magazeti Pendwa ya Global Group, leo amefanyiwa bonge moja ya 'surprise' na Uongozi wakati akitimiza miaka kadhaa ya kuzaliwa huku akiwa kwenye nafasi ya uhariri kwa miaka 10. 

Paul kwa sasa anasimamia gazeti la Ijumaa Wikienda ambalo linatinga mtaani kila Jumatatu kwa bei ya shilingi mia nane na Ijumaa ambalo lipo mtaani kila Ijumaa kwa bei ya shilingi 1,000 ambapo amesema kuwa hana la kusema zaidi ya kushukuru kwa wote waliomtakia heri ya kuzaliwa.

Mhariri huyo ambaye amekuwa akifanya kazi kwa weledi akizingatia miiko ya uandishi wa habari alishtushwa na zawadi kibao mezani zilizoletwa na Mkurugenzi Mtendaji wa Global Group, Eric Shigongo pamoja na keki kubwa ikiwa ni sehemu ya kumpa pongezi ya kumbukizi yake ya kuzaliwa.

Hafla hiyo ilifanywa Makao Makuu ya Global Group, Sinza Mori ambapo wafanyakazi walijumuika pamoja kufurahia na kukata keki na kutoa maneno ya heri kwake.

Saleh Ally ‘Jembe’ amesema kuwa amekuwa akimtazama kwa ukaribu Paul na amegundua kwamba ni mchapakazi muda wote na hagombani na watu bila sababu za msingi.

“Mungu akupe hekima na busara uishi maisha mema, nimekuwa nawe kwa muda wa zaidi ya miaka 10 na sijaona ukiwa ni mgomvi zaidi ya kugombana na watu kwenye masuala ya kazi pekee,” amesema.

Paul amesema kuwa hana kitu kikubwa cha kusema zaidi ya asante kwa wote waliomtakia heri ya kumbukizi ya kuzaliwa.

SOMA ZAIDI

KOCHA TANZANIA PRISONS: TUZIDISHE DUA TUTOKE KWENYE JANGA LA CORONA

ADOLF Rishard, Kocha Mkuu wa Tanzania Prisons amesema kuwa kwa wakati huu tuliopo ni muhimu kwa watanzania kuzidisha dua ili nchi itoke kwenye janga hili la Corona na dunia nzima kiujumla.

Kwa sasa Ligi Kuu nyingi duniani zimesimamishwa kupisha maambukizi zaidi ya Virusi vya Corona ambavyo wataalamu wanaeleza kuwa vinaenea kwa njia ya hewa.

Akizungumza na Saleh Jembe, Rishard amesema kuwa ni wakati wa kuungana kwa watanzania wote kufanya dua ili nchi ipone.

"Muhimu kwa kila mmoja kufanya dua na kuungana kwa pamoja kupambana na Virusi vya Corona kwani hili ni janga la dunia kiujumla hivyo ni muhimu tukiungana," amesema.

SOMA ZAIDI

PACHA YA BOCCO NA KAGERE ILIANZA KUNOGA

NAHODHA wa Simba, John Bocco na mshambuliaji Meddie Kagere walianza kutengeneza pacha nzuri kwa kutengeneza urafiki na nyavu kabla ya Ligi Kuu Bara kusimama.

Bocco na Kagere wakati Simba ikiwa imefunga mabao 63 wamehusika kwenye mabao 30 ambapo Kagere amefunga mabao 19 na kutoa  pasi tano za mabao huku Bocco akifunga mabao manne na kutoa pasi mbili za mabao.

Kwa sasa Ligi Kuu Tanzania Bara imesimama kwa muda kupisha maambukizi ya Virusi vya Corona.

Serikali kupitia Waziri Mkuu, Kassim Majaliwa ilitoa tamko hilo Machi 17.

SOMA ZAIDI

YANGA YATEUA WAJUMBE WAWILI KUZIBA NAFASI ZILIZOACHWA WAZI

SOMA ZAIDI